Author: Magnifique Mukantwali

Me Claudine Gasarabwe yashimangiye ko umushinga yatorewe kuyobora FERWAFA uzakomeza gushyirwa mu bikorwa, mu gihe Fabrice Ngoga Shema ucyuye igihe yasezeranyije gukomeza kuba hafi y’umupira w’amaguru mu Rwanda, yizeye ko Amavubi azagera mu Gikombe cya Afurika. Kuri uyu wa Kane, tariki ya 29 Ukwakira 2026, ku cyicaro cy’Ishyirahamwe ry’Umupira w’Amaguru mu Rwanda (FERWAFA), habereye umuhango w’ihererekanyabubasha hagati ya Perezida ucyuye igihe, Fabrice Ngoga Shema, na Perezida w’agateganyo, Me Claudine Gasarabwe. Uyu muhango wabaye mu gihe FERWAFA ikomeje urugendo rwo guteza imbere umupira w’amaguru mu Rwanda, aho abari mu buyobozi bashimangiye ko ubumwe, ubunyamwuga, kunoza umurimo no kubazwa inshingano ari bimwe…

Urubyiruko rw’Abanyarwanda rukomeje kubona amahirwe yo kwihugura mu bumenyi n’ubumenyingiro ku rwego mpuzamahanga, aho abanyeshuri 36 bamaze kwakirwa mu Ishuri Rikuru rya Zhengzhou Electric Power College (ZEPC) mu Bushinwa, kugira ngo bahabwe ubumenyi buzabafasha kugira uruhare mu iterambere ry’urwego rw’ingufu mu Rwanda. Ibi byagarutsweho mu muhango wo kwakira abanyeshuri bashya b’Abanyarwanda muri iri shuri riherereye mu Ntara ya Henan mu Bushinwa, witabiriwe n’Umuyobozi Mukuru w’Urwego rw’Igihugu rushinzwe Guteza Imbere Amashuri ya Tekiniki, Imyuga n’Ubumenyingiro (RTB), Paul Umukunzi. Aba banyeshuri bari mu cyiciro cya kabiri cy’Abanyarwanda bagiye kwiga muri ZEPC, mu rwego rw’ubufatanye hagati y’u Rwanda n’u Bushinwa bugamije guteza imbere…

Intumwa zo mu itsinda ry’Afurika Yunze Ubumwe rishinzwe korohereza ibiganiro by’amahoro zahuye n’ubuyobozi bukuru bwa AFC/M23 i Goma, mu nama yo ku rwego rwo hejuru igamije kurebera hamwe inzira y’amahoro n’umutekano mu burasirazuba bwa Repubulika Iharanira Demokarasi ya Congo. Izi Ntumwa zigizwe na Uhuru Kenyatta, wahoze ari Perezida wa Kenya, Mokgweetsi Masisi, wahoze ayobora Botswana, hamwe na Sahle-Work Zewde, wahoze ari Perezida wa Ethiopia. Inama yabereye i Goma iri mu bikorwa bigamije guteza imbere ibiganiro hagati y’impande bireba, hagamijwe gushaka umuti wa politiki w’ibibazo bimaze igihe bihungabanya umutekano mu burasirazuba bwa RDC. Abandi banyacyubahiro bari mu itsinda ry’abahuza ntibashoboye kwitabira…

Muri Uganda hatangiye inama ya mbere ihuje Abagaba Bakuru b’Ingabo n’inzobere mu bikorwa bya gisirikare, aho abayitabiriye baturutse mu bihugu birenga 18 bya Afurika baganira ku buryo ibihugu by’umugabane byarushaho kunoza imikoranire no guhangana n’ibibazo by’umutekano bigenda bihindura isura. U Rwanda ni kimwe mu bihugu byitabiriye iyi nama iri kwibanda ku “Military Operations Other Than War”, ni ukuvuga ibikorwa bya gisirikare bitari intambara isanzwe hagati y’ibihugu. Mu ijambo ritangiza iyi nama, Umugaba Mukuru wungirije ushinzwe ibikorwa bya gisirikare muri Uganda, Lt Gen Jack Bakasumba, yavuze ko imiterere y’umutekano muri Afurika yahindutse ku buryo bukomeye, bityo ingabo zikaba zigomba kwitegura ibibazo…

Lourdes, u Bufaransa — Papa Leo XIV yasabye abashinzwe ubuzima n’abakristu muri rusange kudatakaza icyizere n’ubumuntu mu gihe bahura n’uburwayi, imibabaro n’ibibazo bikomeye by’ubuzima.Mu butumwa yatanze i Lourdes, umujyi uzwi cyane nk’ahantu h’ingenzi h’abarwayi n’abasura basaba gukira, Papa yibukije ko n’iyo umuntu yaba ari mu mibabaro, ashobora gukomeza kugira amahoro n’ibyishimo, ashingiye ku kwizera n’icyizere cy’ubuzima bw’iteka.Yifashishije amagambo yo mu Baroma 8:18 agira ati: “Imibabaro yo muri iki gihe ntikwiriye kugereranywa n’ikuzo rizahishurwa muri twe.” “Mube abagaragu b’ubuzima” Mu butumwa bwe bwibanze ku buzima n’imyitwarire y’ubuvuzi, Papa Leo XIV yasabye abakozi bo mu rwego rw’ubuzima kongera gutekereza ku busobanuro bwimbitse…

Abagororwa 2.103 bamaze guhabwa amahugurwa ku kwimakaza Ubumwe n’Ubudaheranwa, agamije gufasha abahamijwe kugira uruhare muri Jenoside yakorewe Abatutsi bitegura gusoza ibihano, guhindura imyumvire no gusubira mu muryango bafite uruhare mu kubaka igihugu kizira amacakubiri. Aba bagororwa barimo abagabo 1.899 n’abagore 204, bakaba baritabiriye gahunda y’amahugurwa agamije kubafasha gusobanukirwa indangagaciro z’Ubumwe n’Ubudaheranwa, kwirinda ingengabitekerezo ya Jenoside no gutegura ubuzima bushya nyuma yo kurangiza ibihano. Mu gusoza icyiciro cya cyenda cy’aya mahugurwa, cyabereye mu Igororero rya Nyamagabe, abagore 78 bari bakitabiriye basabwe kudafatana inyigisho bahawe nk’ibisanzwe, ahubwo kuzishyira mu bikorwa kugira ngo zibe intangiriro y’impinduka zifatika mu mibereho yabo. Umuyobozi Nshingwabikorwa ushinzwe…

Umunyamabanga Mukuru w’Umuryango w’Ibihugu bikoresha Ururimi rw’Igifaransa (OIF), Louise Mushikiwabo, yagaragaje icyizere mbere y’amatora azagena uzayobora uyu muryango, aho ari umukandida ushaka gukomeza kuyobora OIF. Mushikiwabo yavuze ko yumva afite impamvu zituma yizera amahirwe ye muri aya matora, ariko ashimangira ko ijambo rya nyuma rizaba iry’Abakuru b’Ibihugu bigize OIF, ari bo bazagira uruhare mu gufata icyemezo. Ati: “Mfite impamvu zituma numva ndi umukandida uhamye ariko icyemezo kizafatwa n’Abakuru b’Ibihugu bazahitamo.” Ibi yabitangaje mu gihe amatora yo guhitamo Umunyamabanga Mukuru mushya wa OIF yegereje, aho Mushikiwabo ari mu bashaka kuyobora uyu muryango muri manda ikurikiraho. Mushikiwabo yavuze kandi ko we ubwe…

KIGALI — Abashakashatsi, abafata ibyemezo, inzobere mu mihindagurikire y’ikirere, abafatanyabikorwa ndetse n’urubyiruko, bahuriye i Kigali muri Rwanda Climate Science Symposium 2026 (RCSS2026), mu nama igamije guhuza ubumenyi bwa siyansi n’ibyemezo bifatwa ndetse n’ibikorwa bifatika byo guhangana n’imihindagurikire y’ikirere. Iyi nama, ifite insanganyamatsiko igira iti “Where Climate Research Meets Policy”, yibanze ku buryo ubushakashatsi bukorwa ku mihindagurikire y’ikirere bwakoreshwa mu igenamigambi no mu gufata ibyemezo bifasha u Rwanda guhangana n’ingaruka z’ikirere no kubaka ubudahangarwa bw’igihugu. Mu gufungura iyi nama, Silvia Heer, Head of Cooperation Department muri Ambasade y’u Budage mu Rwanda, yashimangiye akamaro ko guhuza abashakashatsi, abafata ibyemezo n’abakora ibikorwa bifatika,…

Kigali — Mu Rwanda hatangiye inama y’iminsi ine ihuza ibihugu bigize Umuryango w’Abapolisi bo muri Afurika y’Iburasirazuba (EAPCCO), igamije kurebera hamwe uburyo inzego z’umutekano zarushaho kongerera ubushobozi abagore no guteza imbere uburinganire hagati y’abagore n’abagabo. Iyi nama iri kubera mu Rwanda mu rwego rw’umushinga “Empowering Every Badge”, ushyira imbere kongerera ubushobozi abapolisi b’abagore no guteza imbere uruhare rwabo mu nzego z’umutekano. Inama yafunguwe ku mugaragaro na DCG Jeanne Chantal Ujeneza, Umuyobozi Mukuru Wungirije wa Polisi y’u Rwanda ushinzwe Ubutegetsi n’Abakozi, wari kumwe na Africa S. Apollo, Umuyobozi Mukuru w’Ubunyamabanga bwa EAPCCO akaba n’Umuyobozi w’Ibiro bya INTERPOL mu Karere ka Afurika…

Ubukungu bw’u Rwanda bwakomeje kwiyongera ku muvuduko ushimishije mu gihembwe cya kabiri cya 2026, aho GDP yazamutseho 9.4%, inganda zikagira uruhare rukomeye muri iri terambere, mu gihe ubuhinzi bwo bwakomeje gutanga umusaruro no kwaguka. Mu gihembwe cya kabiri cya 2026, umusaruro mbumbe w’igihugu (GDP) ku biciro by’isoko wari ugeze kuri miliyari 7,174 z’amafaranga y’u Rwanda, uvuye kuri miliyari 5,799 zari zabaruwe mu gihembwe nk’iki mu 2025. Serivisi ni zo zagize uruhare runini muri GDP, zingana na 51%, zikurikirwa n’inganda zingana na 23%, mu gihe ubuhinzi bwagize 21%. Imisoro itaziguye ku bicuruzwa n’izindi serivisi yagize uruhare rwa 5%. Inganda ziyoboye izamuka…