Ku nshuro yambere kuva icyorezo cya Ebola cyongeye kugaragara muri Uganda mu kwezi gushize, umuntu yahitanywe nayo mu murwa mukuru Kampala, ubu abo imaze kwica bakaba bagera kuri 19.
I Kampala nta bantu bazwi banduye Ebola, ariko uru rupfu ni ikindi kimenyetso cy’uko iki cyorezo kiri gukwira hose kivuye aho cyatangiriye hagati mu gihugu, ibyo bikaba biraje ishinga abashinzwe ubuzima bakaba basaba leta gushyira ako karere mu kato.
Umugabo wahitanywe na Ebola, yapfuye kuwa gatanu ari mu bitaro by’igihugu bya Kiruddu, bijyanywamo abarwayi barembye. Kugeza ubu, abo bimaze kwemezwa ko banduye Ebola muri Uganda ni 54.
