Urwego rw’Igihugu rushinzwe kugenzura imikorere y’inzego zimwe z’imirimo ifitiye igihugu akamaro (RURA) yahawe Umuyobozi Mukuru w’agateganyo, ni nyuma yuko uwari kuri uyu mwanya yirukanywe.
Nk’uko byatangajwe n’Ibiro bya Minisitiri w’Intebe none tariki ya 11 Ukwakira 2022, binyuze ku rukuta rwa twitter, byatangaje ko Eng. Emile Patrick BAGANIZI yaginzwe Umuyobozi Mukuru w’agateganyo w’Urwego rw’Igihugu rushinzwe kugenzura imikorere y’inzego zimwe z’imirimo ifitiye Igihugu akamaro (RURA).
RURA yahawe umuyobozi mushya nyuma y’uko ku mugoroba wo kuri uyu wa Mbere tariki 10 Ukwakira 2022, abayobozi bayo batatu birukanywe kubera imyitwarire n’imiyoborere idakwiye.
Abo ni Eng. Deo Muvunyi wari Umuyobozi Mukuru w’agateganyo, Pearl Uwera wari Umuyobozi ushinzwe imari na Fabian Rwabizi wari Umuyobozi ushinzwe abakozi n’ubutegetsi.
