Perezida wa Repubulika akaba n’Umugaba w’Ikirenga w’Ingabo z’ u Rwanda yazamuye mu ntera abasirikare bane mu gisirikare cy’u Rwanda, batatu bava ku Ipeti rya Brigadier General (Brig Gen) bagirwa Major General (Maj Gen), mu gihe undi yahawe Ipeti rya Brigadier General avuye kuiri Colonel
Abazamuwe mu ntera ni:
A. Brig Gen Vincent Nyakarundi, ukuriye Ubutasi mu gisirikare cy’u Rwanda
B. Brig Gen Willy Rwagasana, uyobora Umutwe w’Ingabo zirinda Umukuru w’Igihugu
C. Brig Gen Ruki Karusisi, uyobora Umutwe w’Ingabo zidasanzwe
D. Colonel Ronald Rwivanga, Umuvugizi w’Ingabo z’u Rwanda
Mu itangazo rigenewe abanyamakuru RDF yashyize hanze kuri uyu wa Mbere tariki 11 Nyakanga 2022, rivuga ko iki cyemezo cy’Umukuru w’Igihugu gihita gishyirwa mu bikorwa.
RDF ivuga ko kandi mu minsi iri imbere hazabaho ukundi kuzamura mu ntera abandi basirikare mu gisirikare cy’u Rwanda
Itangazo rigenewe Abanyamakuru
