Murenzi Abdallah utari ufite uwo bahanganye ku mwanya wa perezida w’Ishyirahamwe ry’Umukino wo gusiganwa ku magare mu Rwanda , FERWACY, yongeye gutorerwa kuyobora manda ye ya kabiri y’imyaka ine iri imbere.
Kuri uyu wa Gatandatu tariki 11 Kamena 2022, nibwo habaye amatora ya komite nyobozi ya FERWACY, maze Murenzi Abdallah atorerwa kuyobora iri shyirahamwe n’amajwi 10 kuri 11 kuko ijwi rimwe ryabaye imfabusa.
Murenzi usanzwe ayobora FERWACY kuva mu Ukuboza 2019, kuri ubu yatanzwe nk’umukandida ku mwanya wa Perezida, n’Ikipe ya Karongi Vision Sport Center, umwanya yisanzeho wenyine kuko uwo bagombaga guhatana yakuyemo kandidatire ye.
Abandi batowe bagize komite nyobozi ya FERWACY:
Karangwa Francois yatorewe kuba Visi Perezida wambere wa FERWACY ku majwi 11/11
Kayirebwa Liliane yatorewe kuba Visi Perezida wa Kabiri ku majwi 11/11
Munyankindi Benoit yatorewe kuba Umunyamabanga mukuru ku majwi 11/11
Ingabire Assia yongeye gutora ku mwanya wumubitsi ku majwi 7/11
Bayisabe Irene yatowe kuba umujyanama ku majwi 7/11
Karambizi Robin Hamin yatowe kuba umujyanama ku majwi 10/11
Rwanyange Rene Anhere yatowe muri komite yakanama nkemurampaka ku majwi 9/11
Karama Geoffrey yatowe muri komite yakanama nkemurampaka ku majwi 9/11
Niyonzima Gildas yatowe muri komite ngenzuzi ku majwi 11/11
Mupenzi Christopher Rene yatowe muri komite ngenzuzi ku majwi 8/11
