Mu gihugu cya Cameroun, ubwo kuri uyu wambere tariki ya 6 Kamena hakinwaga agace ka gatatu ka Tour du Cameroun,abasiganwa bahagurutse ahitwa Obala berekeza Ndikinimeki ku ntera ya Kirometero 148.5, maze Maatougui Eddine ukinira ikipe y’igihugu ya Maroc yegykana aka uwa mbere akoresheje amasaha 3, iminota 36 n’amasegonda 44.
Abanyarwanda Mugisha Moise na Nzafashwanayo Jean Claude bakinira ikipe y’igihugu y’u Rwanda, baje bakurikiranye, barushanwa amasegonda abiri n’uwa mbere, mugihe Muhoza Eric yaje ku mwanya wa 5 arushwa amasegonda 5 n’uwa mbere, Tuyizere Etienne aza ku mwanya wa 20 akurikirwa na Munyaneza Didier bose barushwa umunota umwe n’amasegonda 18 n’uwa mbere. Niyonkuru Samuel niwe washoreje abanyarwanda aho yaje ku mwanya wa 22, nawe anganya iminota na Didier.
Kuri ubu, ku rutonde rusange nyuma y’iminsi 3 Graczk, Vincent ukinira ikipe y’ubufaransa niwe wa mbere aho amaze gukoresha amasaha 9, iminota 12 n’amasegonda 16, agakurikirwa na Tientcheu Michel ukini Velo Club Cameroun, aho amurusha amasegonda 11.
Umunyarwanda uza hafi kuri uru rutonde, ni Munyaneza Didier uri ku mwanya wa 6, aho arushwa umunota umwe n’amasegonda 7.
