Minisiteri y’Ubuzima mu Rwanda (MINISANTE) yatangaje ko kuri uyu wa Mbere tariki 25 Nyakanga 2022 , mu Rwanda habonetse abafite ibimenyetso bya Covid-19 bashya bagera kuri 64, bakaba babonetse mu bipimo 2,924.
Muri abo bagaragaweho n’ubwandu bwa Covid-19, Akarere ka Karongi niko gafite umubare w’abanduye benshi kuko bagera kuri 23, mu gihe mu karere ka Ngororero habonetse abantu 12, mu mujyi wa Kigali ni 9, Gakenke 7, Rusizi 6, Kamonyi 4, umuntu umwe niwe wabonetse Rubavu, mu karere ka Muhanga umuntu umwe, n’umuntu umwe i Gicumbi.
Nta muntu witabye Imana, gusa mu minsi 7, abantu 4 bagiye mu bitaro mu gihe kugeza ubu umwe ariwe urembejwe n’iki cyorezo.
Imibare itangwa na Minisiteri y’ubuzima iragaragaza ko abamaze kwitaba Imana mu Rwanda bazize Covid-19 ari abantu 1,466.
