Minisiteri y’Ubuzima mu Rwanda (MINISANTE) yatangaje ko kuri uyu wa gatandatu tariki 13 Kanama 2022 , mu Rwanda habonetse abafite ibimenyetso bya Covid-19 bashya bagera kuri 11, bakaba babonetse mu bipimo 3,646.
Muri abo bagaragaweho n’ubwandu bwa Covid-19, Akarere ka Musanze niko gafite umubare w’abanduye benshi kuko bagera kuri 6, mu mujyi wa Kigali habonetse abantu 3 mu karere ka Rutsiro haboneka umuntu 1, umuntu umwe niwe wabonetse mu karere ka Karongi.
Imibare itangwa na Minisiteri y’ubuzima iragaragaza ko abamaze kwitaba Imana mu Rwanda bazize Covid-19 ari abantu 1,466.
Minisitere y’Ubuzima mu Rwanda ivuga ko n’ubwo haza indi nkubiri y’ubwandu bwa Covid-19 igasanga Abanyarwanda bakingiye byuzuye ntabwo yashegesha Igihugu muri rusange. Igakangurira buri wese umaze amezi nibura 4 ahawe doze ya mbere ishimangira kugana site y’ikingira imwegereye agahabwa iya 2 ishimangira.
