Arsenal iri hafi yo kugera ku masezerano n’umusatirizi wa Manchester City umunya-Brezili Gabriel Jesus w’imyaka 25.
Tottenham irimo irategura miliyoni 90 z’ama euro kugira ngo irebe ko yakwegukana umusatirizi wa Inter Milan Lautaro Martinez ariko uyu munya Argentina yifuza kuguma muri iri tsinda rya Serie A, kandi naryo nta mugambi rifite wo kumugurisha.
Newcastle United irimo ikurikiranira hafi umunyezamu wa Burnley umwongereza Nick Pope w’imyaka 30.
Liverpool iracyashaka umukinnyi wo hagati wa Borussia Dortmund, umwongereza Jude Bellingham w’imyaka 18.
AC Milan niyo ihabwa amahirwe kurusha Newcastle mu rugamba rwo gushakisha umukinyi w’inyuma wa Lille umunya-Hollande Sven Botman ukina mu batarengeje imyaka 21.
Manchester City irimo iregeranya amafaranga mu ntego yo gushaka umukinnyi w’inyuma ku ruhande rw’ibumoso wa Brighton umunya Espagne Marc Cucurella w’imyaka 23.
Umutoza wa Nottingham Forest Steve Cooper yatumye iyi kipe igera ku mwanya wambere mu irushanwa ry’Ubwongereza Premier League mu mwaka w’imikino ushize ari hafi yo kugera ku masezerano mashya n’iyo kipe.
Forest kandi iri mu biganiro kugira ngo irebe ko yabona umukinnyi w’inyuma, umufaransa Moussa Niakhate w’imyaka 26 usanzwe akinira Mainz yo mu Budage.
LeedsUnited na Southampton zirifuza umukinnyi wo hagati wa Manchester City Umubirigi Romeo Lavia w’imyaka 18.
Southampton byitezwe ko ishobora gutangaza ko yaguze umunyezamu ukomoka muri Irlande Gavin Bazunu w’imyaka 20 wo muri Manchester City mu masezerano afite agaciro ka miliyaridi 15 z’amapawundi.
Fulham na Wolves zombi zirifuza kugura umukinnyi wo hagati wa Sporting Lisbon umunya-Portugal Joao Palhinha w’imyaka 26. (90min)
Umukinnyi w’inyuma w’umwongereza James Tarkowski w’imyaka 29 yemeye kwimukira muri Everton igihe amasezerano afitaniye na Burnley azaba arangiye muri iyi mpeshyi.
Juventus yahinduye ibyo yemereye umukinnyi wo ku ruhande w’umunya-Argentina Angel di Maria w’imyaka 34 kubera irimo iramurwanira na Barcelona, ubu akaba yidegembya, afite uburenganzira bwo kujya mu ikipe y’amahitamo ye nyuma y’aho aviriye muri Paris St-Germain.
Umukinnyi wo hagati, Umufaransa Aurelien Tchouameni yimukiye muri Real Madrid avuye muri Monaco nyuma yo kwanga ipfobywa ry’amafaranga yemerewe nk’umushahara muri PSG.
