Kuryama no gusinzira ni ibikorwa bigomba kubaho kuri buri kiremwamuntu kigifite ubuzima, gusa nubwo benshi baryama bagasinzira neza hari byinshi bibabaho igihe basinziriye ntibabimenye.
Nyuma y’imyitozo ngororamubiri ndetse n’ibindi bikorwa abantu baba bakoze, bituma bajya bakaryama bagasizira cyane bimwe bita gushyirwayo ku buryo ibibabaho basinziriye batajya babasha kubimenya.
Ibi ni bimwe mu bikorwa umubiri w’umuntu ukora ntabimenye, kuko aba asinziriye.
Kubika k’ubwonko: Ubwonko bwa muntu buratangaje kuko mu gihe wowe uruhuka ndetse usinziriye bwo burara bukora akazi bushinzwe. Mu gihe umuntu asinziriye ubwonko bwo buba burimo butondeka neza ibyo umuntu yiriwemo umunsi wose, ibi akaba ari nabyo bidufasha kwibuka ibyahise. Akenshi iyo wumva utari kwibuka neza ibyahise mu gihe runaka biba byiza iyo uryamye aribyo utekereza kuko aribwo ubyibuka neza.
Gukura: Burya benshi babona bakura mu gihagararo ariko ntibamenye ngo biba byagenze bite? Burya rero iyo umuntu aryamye asinziriye nibwo imisemburo (hormones), ibasha kwihuza neza ndetse ibi ngo bigira aho bihurira n’urumuri ndetse n’ubushyuhe biba mu cyumba uba uryamyemo. Iyi misemburero rero niyo ishinzwe ibijyanye no kwaguka cyangwa gukura k’umubiri w’umuntu.
Gukira Stress: Gusinzira ni umuti ku bantu baba biriranywe stress mu kazi cyangwa n’ahandi biriwe kuko iyo basinziriye ubwonko bihita buhindura ibitekerezo bugafata andi makuru bushatse ari hafi, bityo stress umuntu aba yiriranywe ikagenda nka nyomberi aho benshi usanga bakanguka batanibuka n’ikintu na kimwe ku munsi wahise cyangwa se batakiri muri ya mudu (mood) baryamye barimo.
Gucya k’uruhu: Akenshi ngo benshi iyo dusinziriye amasura yacu yozwa cyane n’icyocyere ndetse n’amarira bivanze no kwishimagura. Ibyo byose ngo biraza bikoza uruhu neza nyamara bikaba tutabizi. Aho niho usanga benshi babyuka amasura yabo asa nay’abana mu gitondo.
Kuvuga usinziriye: Buri muntu burya agira uburyo bwe bwihariye ashobora gukoresha arota. Hari bamwe usanga bakora ibimenyetso bitandukanye bijyanye n’ibyo baba biriwemo cyangwa barose uri ako kanya, hari abandi rero barota ntacyo bumva na kimwe nta n’igikorwa na kimwe bakora, icyindi cyiciro nicy’abantu barota bavuga nubwo abenshi barota bavuga badashobora kubyemera ariko rwose barahari barota baganira na bagenzi babo bitewe n’ibyo biriwemo.
Gutakaza Ibiro: Nubwo twavuze haruguru ko abantu benshi bakura cyane bitewe n’imisembura ninjoro, uku ninako benshi bahatakariza ibiro bitewe n’umwuka bahumeka igihe kinini, amazi batakaza n’ibindi bisohorwa n’umubiri mu gihe umuntu asinziriye atumva
