Ibihugu bigize umuryango w’Ubumwe bw’Uburayi byemeje umushinga ugamije kugabanya ingano ya gaz ikoreshwa mur’ibi bihugu, mu rwego rwo kugabanya ko hishingikirizwa ikoreshwa rya gaz y’Uburusiya.
Uyu mushinga wemejwe kur’uyu wa kabiri nyuma yaho gaz iva mu Burusiya igabanyijwe nk’uko bitangazwa n’uhagarariye Tcheque muri EU.
Yifashishije Twitter, yagize ati “Ntabwo ari icyerekezo cyoroshye ! Abaminisitiri bashinzwe ingufu mu bihugu binyamuryango uko ari 27 bahuriye I Bruxelles bemeza politiki ihuriweho ijyanye no kugabanya gukenera gaz mu gihe cy’itumba gitaha.”
Uburayi bumaze igihe bushaka uko byagabanya kwishingikiriza kuri gaz y’Uburusiya, cyane ko nyuma yo gufatira ibihano ku bukungu iki gihugu , uyu mugabane wagizweho ingaruka zikomeye.
Mu biganiro kandi bizaba ku wa Gatatu, RFI ivuga ko bizibanda ku bijyanye n’igisirikare hagati y’Uburusiya n’Uburayi nkuko byatangajwe na minisitiri w’Ubumwe bw’Uburayi ushinzwe ingufu.
Avuga ko Uburayi bushaka guhagarika robine za gaz z’Uburusiya ndetse bagasaba ibihugu binyamuryango gukora uko bishoboye bikagabanya nibura 15% bya gaz ikoreshwa ugereranyine no mu myaka itanu ishize.
/cloudfront-us-east-2.images.arcpublishing.com/reuters/PNDT6Y37XRMZVJ77YP63FJJMNA.jpg)
Icyakora ibihugu bya Portugal na Espagne mbere yo kwemezwa k’uyu mushinga byari byagaragaje ko hashobora kubaho imbogamizi ku kugabanya gaz. Ubufaransa kandi bwifuzaga ko hemezwa politiki idashobora kugira igihugu ibangamira, cyane cyane Ubudage bukenera cyane Gaz yo mu Burusiya.
Minisitiri ufite ingufu mu nshingano ,mu Bufaransa avuga ko nubwo byagerwaho hakemezwa imirongo imwe yo kugabanya ikoreshwa rya gaz, ariko hari ikibazo cy’ibikorwaremezo. Yifuzaga kandi ko buri gihugu cyahabwa rugari kigashyiraho politike ikinogeye ku bijyanye n’ingufu.
Ubudage nicyo gihugu gishobora kuzahazaharira bitewe nuko gaz gikoresha inyinshi cyayitumizaga mu Burusiya, aho no mur’iki gihe n’ikigo cya Gaprom cyiyohereza cyayigabanyije ku mpamvu kivuga ko kiri kuvugurura imiyoboro yacyo.
