Muri iyi baruwa yandikiwe Musenyeri Emmanuel Ntazinda yiyamwa na Rev. Dr. Ernest Mahoro ngo warukomeje kumesebya imbere y’abapasitoro b’itorero Angirikani muri Diyoseze ya Kibungo Kandi yaramuhunze igaragaramo amagambo yigisha Musenyeri Ntazinda ko akwiye kugaruka mu nshingano akareba icyo abakirisito bakeneye no kubakomeza mu rugendo rujya mu ijuru.
Ni ibaruwa yanditswe kuwa mbere tariki ya 11 Nyakanga 2022 Aho igira iti:
” Ntabwo binyoroheye kubona uko nandika iyi message nyuma y’imyaka irindwi nirengagiza ibinyoma, gusebenya, n’urwango umfitiye.
Ariko ndagirango nkumenyeshe ko gusebanya bihanwa n’amategeko agenga U Rwanda ndetse na Canon z’itorero Anglikani uvuga ko ukorera.
Kuba narakwihoreye mu bihe byashize si uko ibyo kukuvuga nabibura kandi mfitiye n’ibimenyetso.
Reka ngusabe rero uhagarike izina ryanjye mu manama yawe.
Niba ntacyo mufite cyo kwiga reka abo bapasiteri bawe nibura baruhuke.
Reka nkubwire ko kugeza ubu nta murimo waba uwo mu itorero cyangwa mu kandi kazi ( NGOs) nakoze ntarakigiye cyangwa ntagashoboye; nta kazi bampaye natanze ruswa cyangwa ikimenyane.
Iyo baguhaye akazi rero ntabwo utekereza ko ari wowe ushoboye wenyine, cyangwa ko ufite ubwenge kurusha abandi ahubwo iyo uzi Imana urayisaba ngo ikumenyeshe icyo igushakaho.
Kandi akazi nagakoze neza, ntekereza kandi nizera ko nawe uyu umunsi uri kurya imbuto z’amajoro naraye nkorera dioyoseze ya Kibungo.
Ntabwo naje mu Itorero rero nshaka akazi; wari umuhamagaro. Umurimo wa Gishumba nakoze ntabwo nawuhatwaga kuko nari narawigiye.
Harya amashuri ngo ntabwo ariyo ayobora Itorero? Ariko gusebanya n’amatiku nabyo sintekereza ko byariyobora.
Ndagirango nkubwire ko ntari “umutinganyi, ntazaba umutinganyi, kandi ntari umujura.”
Igihe n’amateka bizabidusobanurira. Burya baca umugani mu kinyarwanda ngo “umanika agati wicaye wajya kukamanura ugahagarara.
Kandi bucya bwitwa ejo.” Bityo rero ndagusaba gufata umwanya ukareba icyo diyoseze ikeneye, ijambo ryo gufasha abakirisito guhangana n’ibibazo bahura nabyo, no kubakomeza mu rugendo rujya mu ijuru niba ubyemera.”
Yesu yaradupfirye twese kuko “twese twakoze ibyaha ntawashyikira ubwiza bwe.” Fata umwanya wige kuvuga ibyubaka ubuzima bw’abantu aho ku busenya niba wumva warahamagawe koko.
Uve mu matiku no gusebanya. Kandi nuhitamo gukomeza gahunda yawe yo kubeshya, gusebanya, no kwishyira aheza cyane nabyo uzabona umusaruro wabyo.
Kugeza ubu isi yabaye umudugugudu. Ibintu byose n’ibikorewe mu rwihisho biramenyekana.
N’ujya kuvuga ikintu jya ubanza ugitekerezeho neza. Wasanga igihe cyanjye kigeze ngo mvuge nanjye.
Nkwifurije ishya n’ihirwe nubwo nzi ko wowe ataribyo unyifuriza. Rev. Dr. Ernest Mahoro “.
Rev. Dr. Nyuma y’uko yari akomejwe gurabikwa na Musenyeri Ntazinda uyobora Diyoseze ya Kibungo nibwo ngo yayimwandikiraga mu mubabaro n’agahinda yari yatewe nibwo yari yamuvuzeho amuharabika.
Uyu Rev. Dr. Ernest wayoboraga paruwasi ya Gahima, ngo nyuma yo gutotezwa yahise yigira muri Leta zunze ubumwe za America ahunze.
