Kuri uyu wa Gatatu, guverinoma ya Gambia yatangaje ko yaburijemo ihirikwa ry’ubutegetsi ryari ryateguwe na bamwe mu basirikare.
Ubuyobozi butangaza ko ku wa Kabiri, abasirikare 4 batawe muri yombi mu gihe hari abandi 3 bagishakishwa.
Guverinoma yijeje abanyagihugu, abatuye Gambia muri rusange n’abahagarariye ibihugu n’imiryango mpuzmahanga muri icyo gihugu gukomeza imirimo yabo ntacyo bikanga kuko umutekano ari wose.
Bamwe mu batangabuhamya bemeje ko babonye urujya n’uruza ry’ingabo zikikije perezidansi ya repubulika mu murwa mukuru ku mugoroba wo ku wa Kabiri.
