I Goma mu burasirazuba bwa Republika Iharanira Demokarasi ya Congo,biriwe mu muhango wo gushyingura abantu 10 baguye mu myigaragambyo yo kwamagana ONU.
Uyu muhango wabere ku kibuga cy’umupira cya Goma, witabiriwe n’abarenga 5000, ubaye nyuma y’iminsi ine habaye uwundi wo kwibuka abakozi ba ONU baguye muri iyo myigaragambyo.
Imyigaragambyo yabereye i Goma mu Cyumweru gishize, ikorwa n’Aba-Congomani bavugaga ko babajwe n’uko abasirikare ba ONU bo mu itsinda rishinzwe kubungabunga umutekano no kugarura amahoro muri iki gihugu (MONUSCO) bananiwe kubarinda ibitero by’inyeshyamba.
Benshi mu biciwe muri iyo myigaragambyo bari munsi y’imyaka 30, uwari muto muri bose akaba yari umwana w’imyaka 11 y’amavuko. Abitabiriye umuhango bose bakomezaga bazamura inyandiko zamagana ONU, bagasaba ko MONUSCO iva mu gihugu.
MONUSCO imaze imyaka irenga 10 ikorera muri DRC, kandi ni bwo butumwa bwa ONU bwo kugarura amahoro bufite abasikare benshi kurusha ahandi hose ku Isi.Ariko Abanye-Congo bavuga ko uwo mutwe nta mahoro wigeze ubazanira, ko ahubwo birwanaho bo ubwabo.
