Mu itangazo ryashyizwe ahagaragara none ku wa kabiri, tariki ya 24 Gicurasi, Ishami ry’Umuryango w’Abibumbye ryita ku Buzima (OMS) ibihugu bigize uyu muryango byongeye gutorera Dr Tedros Adhanom Ghebreyesus manda ya kabiri y’imyaka itanu nk’umuyobozi mukuru.
Dr Tedros watowe bwa mbere mu 2017, yongeye gutorwa n’ibihugu bigize OMS mu nama y’ubuzima ya 75 y’isi yabereye i Geneve, n’ubwo yari we mukandida rukumbi kuri uwo mwanya.
Amajwi y’uyu munsi yari indunduro y’ibikorwa by’amatora byatangiye muri Mata 2021 igihe ibihugu bigize uyu muryango byatumirwaga gutanga ibyifuzo ku bakandida ku mwanya w’Umuyobozi Mukuru. Inama Nyobozi ya OMS, yateranye muri Mutarama 2022, yashyizeho Dr Tedros ngo azatorerwe manda ya kabiri.
Manda nshya ya Dr Tedros izatangira ku mugaragaro ku ya 16 Kanama 2022. Umuyobozi mukuru ashobora kongera gushyirwaho rimwe, hakurikijwe amategeko n’amabwiriza y’Inteko ishinga amategeko ya OMS
