Polisi yo muri Australia ivuga ko umugabo wo muri iki gihugu, Kangaroo yishe umugabo w’imyaka 77 y’amavuko, wari uyoroye nk’itungo iwe mu rugo.
Mwenewabo wa nyakwigendera ku wa mbere yasanze uwo mugabo, afite ibikomere bikabije ari mu rugo rwe i Redmond, mu ntera ya kilometero hafi 400 mu majyepfo y’umujyi wa Perth, maze ubwo abatabazi batanga ubuvuzi bwihuse bageraga muri urwo rugo rwo mu cyaro, iyo kangaroo yababujije kuvura uwo mugabo.
Byasabye ko polisi irasa ikica iyi nyamaswa, gusa uwo mugabo nawe yahise ashiramo umwuka kuko yari yamuzahaje.
Umuvugizi wa polisi yabwiye ibitangazamakuru ko polisi yemeza ko uwo mugabo yagabweho igitero n’iyo kangaroo – inyamaswa yo mu gasozi – mbere yaho kuri uwo munsi.
Australia ibarirwamo kangaroo zigera hafi kuri miliyoni 50, ariko ibitero byazo ntibikunze kubaho.
Iki ni cyo gitero cya mbere cya kangaroo cyishe umuntu gitangajwe muri Australia kuva mu mwaka wa 1936.
