Urwego rw’Igihugu rushinzwe Imfungwa n’Abagororwa, RCS rwasezereye mu cyubahiro abakozi b’uru rwego 86 bagiye mu kiruhuko cy’izabukuru.
Rtd CP Peter Kagarama wavuze mu izina ry’abasezerewe, yashimye imikorere n’imikoranire yaranze abakozi ba RCS bagiye mu kiruhuko cy’izabukuru, anashima umusanzu batanze mu kubaka uru rwego rw’igihugu rushinzwe imfungwa n’abagororwa.
By’umwihariko yashimye uruhare rwa Perezida wa Repubulika, mu kubaka urwego rushinzwe imfungwa n’abagororwa.
Aba basezerewe barimo aba ofisiye bakuru 11, aba commisioner’s of prisons 3 n’abacungagereza bato 72. Aba bose basezerewe bakaba bagize ikiciro cya Kane kigiye mu kiruhuko cy’izabukuru.
Inama y’abaminisitiri yateranye ku wa 29 Nyakanga 2022 niyo yemeje ko aba bakozi b’urwego rw’igihugu rushinzwe imfungwa n’abagororwa bashyirwa mu kiruhuko cy’izabukuru.
