Umunyamabanga Mukuru w’Umuryango w’Abibumbye (UN), Antonio Guterres yashimiye Abanya -Kenya kuba barabungabunze amahoro mu gihe cy’amatora.
Mu itangazo, Umunyamabanga Mukuru yashimiye akanama gashinzwe gutunganya amatora n’abayobozi ba Kenya mu kuba karitwararitse abitabiriye amatora bakora icyo gikorwa bafitiye uburenganzira n’ubwisanzure, nk’uko biri mu Itegeko Nshinga.
Yasabye abanyepolitike n’abatoye gukomeza kurangwa n’umutekano igihe bagitegereje ko ibarura ry’ibyavuye mu matora rirangira.
Abantu 65.4 kw’ijana y’abiyandikishije gutora bagera kuri miliyoni 22.1 ni bo bitabiriye icyo gikorwa tariki 9 Kanama 2022.
Akanama gashinzwe gutegura amatora ntikaratangaza imibare ntakuka y’abitabiriye amatora.
Imibare yerekana ko abitabiriye amatora bagabanutse ugereranyije n’amataro y’ubushize muri 2017 aho abagera kuri 80% y’abari biyandikishije gutora, abagera kuri miliyoni 19 ari bo bitabiriye icyo gikorwa.
William Ruto n’umunyepolitike utavuga rumwe na Leta ariko ushyigikiwe na Perezida Uhuru Kenyatta, Raila Odinga ari bo baza imbere mu mu majwi.
Kugeza ubu akanama gashinzwe gutegura amatora kamaze kwegeranya amajwi asaga 99% .
Ako kanama kavuga ko kadashobora kugira icyo gatangaza mbere y’uko kegeranya imibare yose y’ibyavuye mu matora .
Ako kanama kandi gafite imisi irindwi ngo kabe kamaze gutangaza ibyavuye mu matora ku buryo budasubirwaho.
