Mu gihe hamaze iminsi havugwa ikibazo cy’ubuke bw’imodoka rusange zitwara abagenzi mu mujyi wa Kigali, Urwego Ngenzuramikorere (RURA), twatangaje ko mu rwego rwo kongera umubare w’imodoka, guhera ejo ku wa Mbere, tariki ya 08/08/2022, kompanyi ya Volcano Ltd izatangira gukorera mu mihanda imwe n’imwe yo muri Kigali.
Iki gisubizo kije nyuma y’uko hirya no hino muri gare zitegerwamo imodoka mu mujyi wa Kigali hakomeje kugaragara imirongo miremire y’abategereje imodoka, aho bavuga ko zitinda kuboneka bagakererwa akazi cyangwa kugera aho bagiye.
Kuri iki kibazo Umujyi wa Kigali mu minsi ishije watangaje ko hakenewe imodoka 500 zo gutwara abantu mu buryo rusange, kugira ngo ikibazo cyo gutwara abagenzi kibonerwe umuti.
