Ghana yemeje ko abantu babiri ba mbere banduye Virusi ya Marburg yica ikanandura byihuse ikaba iri mu bwoko bumwe na Ebola.
Iki gihugu kivuga ko aba bantu babiri baherutse gupfira mu bitaro byo mu karere ka Ashanti kari mu mu majyepfo y’iki gihugu.
Ibipimo byari byafashwe kuri aba bantu bigapimirwa muri Laboratwari (Laboratory) yo muri Senegal, byerekanye ko bari banduye iyo virusi mu ntangiriro z’uku kwezi.
Inzego z’ubuzima muri iki gihugu, zavuze ko hari abantu 98 bahise bashyirwa mu kato nyuma yo gukeka ko baba barakoranyeho n’aba banduye.
Kugeza ubu nta muti urashobora kuboneka wo kuvura iyi virusi ya Marburg, ariko abaganga bavuga ko kunywa amazi menshi no kuvura ibimenyetso bizwi bishobora guha umurwayi amahirwe menshi yo gukira.
Iyi virusi, ikaba ifite ibimenyetso birimo: kumeneka umutwe, umuriro, kubabara imitsi, kubura no kuva amaraso.
Inzego z’ubuzima muri Ghana zirasaba abaturage kwirinda kwegera inyamanswa kandi bagateka neza ibintu byose bikomoka ku ku matungo mbere y’uko babirya.
Ishami ry’Unuryango w’Abibumbye rishinzwe Ubuzima ku Isi OMS/WHO rivuga ko iyi virusi yigeze kugaragara muri Angola, Republika Iharanira Demokarasi ya Congo, Kenya, Afrika y’Epfo na Uganda.
Virusi ya Marburg, bwambere yabonetse mu Budage mu 1967 aho abantu barindwi bahitanywe nayo.
Yahitanye abarenga 200 muri Angola mu 2005, iki kikaba aricyo cyiza kimaze guhitana abantu benshi kw’isi kugeza ubu, nk’uko bivugwa na OMS.
