Mu itangazo ryashyizwe ahagaragara na Polisi y’igihugu yavuze ko abagizi ba nabi bitwaje intwaro bishe umushoferi n’umugenzi abandi bagakomereka.
Itangazo rigira riti: “Ku gicamunsi cyo kuri uyu wa Gatandatu tariki 18 Kamena, ahagana saa14h00 abagizi ba nabi bitwaje intwaro bikekwako ari abo mu mutwe w’inyeshyamba wa FLN baturutse hakurya y’umupaka barashe ku modoka itwara abagenzi mu murenge wa Kitabi mu Karere ka Nyamagabe yerekezaga i Rusizi.”
Polisi ikomeza ivuga ko “Abo bagizi ba nabi bishe umushoferi n’umugenzi banakomeretsa abandi batandatu bahise bajyanwa kuvurirwa ku bitaro bya Kigeme no ku bitaro bikuru bya Kaminuza i Butare (CHUB).”
Polisi y’u Rwanda yahise itabara ubwo bugizi bwa nabi bukimara kuba.
Abagize uruhare muri ubwo bugizi bwa nabi barimo gushakishwa.
