Nyuma yo kugenda iganira n’abafatanyabikorwa batandukanye mu rwego rwo gushaka ubushobozi bwabafasha guteza imbere ikipe bayoboye, ubuyobozi bw’ikipe ya Rayon Sports bwashyize umukono ku masezerano y’ubufatanye na sosete ya CANAL + Rwanda, aho iyi kipe izajya yamabara imyenda iriho ibirango bya CANal+ muri uyu mwaka w’imikino wa 2021/2022.
Ni umuhango wabereye ku cyicaro cya CANAL + Rwanda kuri uyu wa 11 Ugushyingo 2021, aho Rayon Sports na CANAL + bashyize umukono ku masezerano y’ubufatanye buzamara umwaka umwe Rayon Sports ihabwa ibikoresho bitandukanye ndetse n’amafaranga yo kuyifasha mu bikorwa byayo bya siporo.
Perezida wa Rayon Sports, Uwayezu Jean Fidele, ageza ijambo ku bari aho yavuze ko kuba basinye amasezerano n’umufatanyabikorwa Canal + ari intangiriro nziza ndetse bazakomeza gushaka abandi bafatanyabikora, aho yemeza ko Canal + nk’ikigp gikomeye hari byinshi bazabaha bizanabagigira umumaro.
Yagize ati: “Uyu munsi nk’uko mu bibona ni amahirwe akomeye ku muryango mugari wa Rayon Sports, ku bakunzi bayo, abafana bayo, cyane cyane kuri ekipe ya Rayon Sports,……………, intego yacu yambere kwari ukugira ngo turusheho gukora mu buryo buri professional (kinyamwuga) kugira ngo dushake abafatanyabikorwa, ni muri urwo rwego rero twagiye dushaka abafatanyabikorwa bandi kugeza uyu munsi ku isonga hakaba hari Canal +.”
“Canal + nk’uko mubizi ni ikigo gikomeye cyane ku isi cyane mu by’umupira(………..)ikaba rero iyongiye ari intambwe Rayon Sports muri rusange twishimiye kubera ko imikoranire izaba myiza kurushaho, ni intango nziza z’amasezerano y’umwaka umwe ariko turizara ko bizakomeza ndetse bizabyara umusaruro ku bakunzi ba Rayon Sports, abakinnyi ba Rayon Sports n’abandi.”
Haba ku ruhande rwa Rayon Sports no ku ruhande rwa Canal + Rwanda birinze gutangaza agaciro aya masezerano afite mu mafaranga y’u Rwanda, gusa batangaje ko abakinnyi, abatoza n’abayobozi batandukanye muri Rayon Sports bazajya bahabwa ibikoresho bya Canal + n’ifatabuguzi rya Canl+ ndetse hiyongereho n’amafaranga Canal + izajya iha Rayon Sports. Rayon Sports nayo izajya yamamaza ibikorwa bya Canal + aho ku ikubitiro ku myambaro abakinnyi bagiye kujya bambara bari mu kibuga hazaba hagaragaraho ibirango bya Canal +
