Abantu batandatu barishwe abandi barenga 25 barakomereka nyuma yo kuraswa mu mpera z’icyumweru gishize muri Reta zunze ubumwe za Amerika.
Aba mbere barasiwe mu mujyi wa Philadelphia muri Leta ya Pennsylvaniya ku mugoroba wo kuwa Gatandatu, abandi baraswa mu gitondo cyo ku cyumweru i Chattanooga, muri Leta ya Tennessee. Ni ubwicanyi bumaze guhitana abatari bake muri Amerika kandi ntan’ikigaragaza ko bugiye guhagarikwa vuba.
Muri Philadelphia, abagabo babiri n’umugore umwe bishwe n’abantu barashe amasasu urufaya rw’amasasu mu kivunge cy’abantu bari mu birori byo kwidagadura bisanzwe bibera mu muhanda mu mpera z’icyumweru nk’uko byatangajwe na Polisi. Muri Chattanooga, umukuru wa Polisi, Celeste Murphy, yavuze ko harashwe abantu 14 barimwo abana babiri bishwe, abandi bakomeretswa n’imodoka ubwo yaririmo guhunga ayo masasu.
Ubu bwicanyi bwo mu kivunge muri Amerika hakoreshejwe imbunda bukurikiye ubuheruka kuba muri Buffalo muri Leta ya New York bwahitanye abantu 10 ndetse n’ubwabereye ku ishuri ribanza ryo mu mujyi wa Uvalde muri Leta ya Texas bwahitanye abanyeshuri 19 n’abarezi babo babiri.
