Kuri uyu wa gatanu tariki ya 20 Gicurasi 2022, perezida w’Ubufaransa Emmanuel Macron, aratangaza abagize Guverinoma nshya nk’uko byatangajwe na perezidansi y’iki gihugu.
Ibi byatangajwe nyuma y’iminsi ine Elisabeth Borne, minisitiri w’umurimo ucyuye igihe agizwe minisitiri w’intebe, akaba yarabaye umugore wa mbere uyoboye guverinoma y’Ubufaransa mu myaka irenga 30 kuko Minisitiri w’intebe wa nyuma w’umugore, Edith Cresson, yayoboye muri guverinoma kuva muri Gicurasi 1991 kugeza muri Mata 1992 ubwo u Bufaransa bwari buyobowe na perezida François Mitterrand.
Iri vugurura rya guverinoma ryari riteganijwe cyane nyuma yo kongera gutorwa kwa Perezida Emmanuel Macron muri Mata na mbere y’amatora y’abadepite mu kwezi gutaha.
