Biteganijwe ko abadepite bo muri Somaliya bazatora perezida mushya w’iki gihugu ku ya 15 Gicurasi 2022, Igikorwa cy’amatora cyahungabanyijwe n’ibitero bya al-Shabab ndetse n’amakimbirane hagati ya Perezida Mohamed Abdullahi Mohamed na Minisitiri w’intebe Mohamed Hussein Roble.
Guhitamo perezida ni intambwe y’ingenzi mu gushyiraho guverinoma nshya, igomba gushyirwaho bitarenze ku ya 17 Gicurasi niba Somaliya ishaka gukomeza kubona inkunga y’ingengo y’Imari Mpuzamahanga izafasha mu kwishyura ibyangombwa nkenerwa mu mibereho ya buri munsi.
Kubera intambara y’abanyagihugu kuva mu 1991, Ihembe rya Afurika riharanira kongera kubaka inzego za ryo mu gihe cy’iterabwoba n’umutwe witwaje intwaro witwa Al-Shabab uhuza Al-Qaeda.
Guverinoma ,cyangwa ingabo zifatanije bigenzura umurwa mukuru Mogadishu hamwe n’imijyi minini , ariko igice kinini cy’icyaro, cyane cyane muri Somaliya rwagati, kiyobowe na al-Shabab.
Igikorwa cy’amatora cyahungabanijwe n’ibitero by’uyu mutwe ndetse n’amakimbirane hagati ya Perezida Mohamed Abdullahi Mohamed na Minisitiri w’intebe Mohamed Hussein Roble.
Umwaka ushize, perezida yagerageje kongerera manda ye imyaka ine ariko igitekerezo cye cyiburizwamo n’inteko ishinga amategeko.
Mu gihe cy’amatora ataziguye muri Somaliya, abakuru b’imiryango batoranya 275 bagize inteko ishinga amategeko, na bo bagahitamo perezida. Biteganijwe ko abakandida barenga icumi bazahatanira uwo mwanya.
Ku wa kane, minisiteri ishinzwe amakuru muri Somaliya yabwiye abapolisi guhagarika itsinda ryagerageje gutegura ibiganiro mpaka bya perezida mbere y’amatora, bavuga ko batahawe uruhushya rwo kubikora.
