Perezida wa Ukraine Volodymyr Zelensky yongeye gusaba kugeza ijambo ku bakuru b’ibihugu bo mu muryango w’Ubumwe bw’Afurika (AU), nkuko byatangajwe na Moussa Faki umukuru w’akanama ka AU .
Abinyujije kuri Twitter, Bwana Faki yanditse ko yakiriye ubwo busabe mu kiganiro kuri telefone na Minisitiri w’ububanyi n’amahanga wa Ukraine.
Mu uku Kwezi kwa Kane, Perezida Zelensky yagiranye ikiganiro kuri Telefone na Perezida wa Senegal Macky Sall, ukuriye AU kuri ubu, aho yasabye kugeza Ijambo ku Bayobozi bo muri Afurika.
Ibihugu byo muri Afurika nibyo biza ku isonga ku Rutonde rw’ibyifashe mu Matora y’Umwanzuro w’Umuryango w’Abibumbye (UN), Umwanzuro wasabaga guhagarika Uburusiya mu Kanama kawo k’Uburenganzira bwa Muntu.
n’umwanzuro wemejwe ku Majwi 93 y’Ibihugu byatoye biwushyigikira, 24 birawamagana, mu gihe Ibihugu 58 byifashe.
