Perezida Paul Kagame yahagaritse Shema Maboko Didier ku mwanya w’Umunyamabanga uhoraho muri Minisiteri ya Siporo.
None tariki ya 16 Nzeri 2022, nk’uko bigaragara mu itangazo ryashyizwe ahagaragara n’ibiro bya Minisitiri w’Intebe, Perezida Kagame yahagaritse Shema Maboko Didier kuri uyu mwanya yari amazeho hafi imyaka 2.
Iri tangazo riragira riti “None ku wa 16 Nzeri 2022, Bwana Didier Shema Maboko yahagaritswe ku mwanya w’Umunyamabanga Uhoraho muri Minisiteri ya Siporo (MINISPORTS).”
Mu itangazo, ntihavuzwe impamvu yo guhagarikwa kwa Shema Maboko Didier ndetse ntihatangajwe niba ahagaritswe by’agateganyo cyangwa burundu.
Bwana Shema Maboko Didier wahoze ari umusifuzi wa Basketball yagizwe Umunyamabanga uhoraho muri Minisiteri ya Siporo ku ya 4 Ugushyingo 2019, aho yatangiriye imirimo mu gihe kimwe na Minisitiri Munyangaju Aurore Mimosa uyiyobora.
