Ingabo za Leta ya Kinshasa FARDC n’abo bafatanyije barimwo Ingabo z’abarundi, Wazalendo, FDLR n’indi mitwe yitwara Gisirikare, bongeye kwamburwa utundi duce two muri teritware ya Masisi, turenga tune.

Utu duce batwambuwe n’umutwe wa M23 mu mirwano yabaye kuri iki cyumweru, tariki ya 12 Gicuransi 2024, aho M23 yahanganye bikomeye n’Ihuriro ry’Ingabo za RDC, ikaba yarasize abo ku ruhande rwa Leta ya  Kinshasa bambuwe uduce dutanu.

Ahagana kumugoroba wo kuri iki Cyumweru nibwo M23 yatesheje ihuriro ry’ingabo za Repubulika ya demokarasi ya Congo mu duce two muri Gurupema ya Kibabi, muri teritware ya Masisi, mu ntara ya Kivu y’amajyaruguru aritwo; Cugi, Kinigi, Nyakigano, Kawere na Nkonkwe.

Ingabo za M23 zongeye kwigarurira uduce twinshi mu gihe hari hashize iminsi mike SADC ku bufatanye na FARDC batangaje ko bagiye kwinjira muri operasiyo ikomeye yo guhashya uyu mutwe.

Share.
Leave A Reply