Urwego Ngenzuramikorere (RURA), rwatangaje ko guhera ejo kuwa Gatanu,tariki 12 Kanama 2022, imihanda Gikondo(Bwerankori)-Nyabugogo na Gikondo(Bwerankori)-Kimironko izaba ikorerwamo na kompanyi ya Yahoo Car Ltd mu rwego rwo kongera umubare w’imodoka zitwara abagenzi mu mujyi wa Kigali.
Iyi gahunda yo kongera imodoka zitwara abagenzi mu buryo bwa rusange zikorera muri Kigali, ije ari igisubizo ku kibazo kimaze igihe kigaragazwa n’abagenzi bategera muri za gare zitandukanye ndetse n’abazitegera hirya no hino ku byapa, aho batahwemye kugaragaza ikibazo cy’ubuke bw’izi modoka no kuba zitinda kubageraho.
Iyi Kompanyi ya Yahoo Car Ltd, ije yiyongera kuzindi Kompanyi zisanzwe zitwara abagenzi muri Kigali, zirimo iya Volcano Ltd yatangiye gukorera muri Kigali ku wa Mbere, tariki ya 08/08/2022.
