Minisiteri y’Urubyiruko n’Umuco yahagaritse by’agateganyo irushabwa rya Miss Rwanda nyuma y’iminsi mike Ishimwe Dieudonné wari umuyobozi mukuru wa Rwanda Inspiration BackUp atawe muri yombi akekwaho ibyaha bifitanye isano n’ihohoterwa rishingiye ku gitsina yakoreye abakobwa bitabiriye irushanwa rya Miss Rwanda.
Mu butumwa bwanyujijwe kuri Twitter y’iyi Minisiteri none tariki ya 9 Gicurasi 2022, yagize iti: “Hashingiwe ku iperereza ririmo gukorwa n’Urwego rw’Igihugu rushinzwe ubugenzacyaha (RIB), ku muyobozi wa “Rwanda Inspiration BackUp”, ukekwaho ibyaha bifitanye isano n’ihohoterwa rishingiye ku gitsina yakoreye abakobwa bitabiriye irushanwa rya “Miss Rwanda” mu bihe bitandukanye, Minisiteri y’Urubyiruko n’Umuco iramenyesha Abanyarwanda ko ibaye ihagaritse iri rushanwa mu gihe iperereza ritararangira.”
