Uwabaye Perezida wa Angola mu gihe kigera ku myaka 38, José Eduardo dos Santos yitabye Imana azize uburayi.
Eduardo dos Santos yarafite imyaka 79, yitabye Imana nyuma y’igihe cyari gishize arwariye mu bitaro by’i Barcelone muri Espagne.
Amakuru y’urupfu rw’uyu mugabo wayoboye Angola kuva kuva mu 1979 kugeza mu 2017 yatangajwe n’Ibiro bya Perezida wa Angola kuri uyu wa Gatanu tariki 8 Nyakanga 2022.
Eduardo dos Santos yari amaze iminsi ari muri koma, yageze mu bitaro by’i Barcelone mu mpera mu kwezi gushize kwa Kamena nyuma yo gufatwa n’indwara y’umutima nk’uko BBC yabitangaje.
Uyu mugabo yitabye Imana nyuma y’iminsi mike umukobwa we witwa Tchize Dos Santos atanze ikirego mu rukiko ashinja mukase (Ana Paula dos Santos) gushaka kwica se.
Eduardo yavuye ku buyobozi muri Angola mu 2017 asimburwa na Perezida Joao Lourenco ariwe ukiyoboye iki gihugu kugeza ubu.
