Perezida wa Leta Zunze Ubumwe za Amerika Joe Biden ejo kuwa Kabiri yashyize umukono ku rwandiko rwemera kandidatire ya Finlande na Suwede yo kwinjira mu muryango wa NATO /OTAN, ry’ibihugu byo mu burengerazuba bw’Isi byishyize hamwe kugirango bijye birwaniriza umwansi hamwe.
Perezida Biden yavuze ko ibyo bihugu bibiri bifite amahirwe yo kuzakomera no kurindwa n’uwo muryango mu bijyanye n’umutekano.
Mu ntangiriro z’uku kwezi, Sena ya Amerika yemeje ko ibyo bihugu bibiri byemererwa kwinjira muri OTAN. Amerika ibaye igihugu cya 23 muri 30 bigize OTAN byemeje ko Finlande na Suwede byakirwa mu muryango.
Hakenewe amajwi y’ibihugu byose 30 yemera kwakira ibyo bihugu mu muryango kuko havuyemwo na kimwe ntibizakirwa.
Perezida Biden kandi yashimye Finlande na Swede, avuga ko ibyo bihugu bibiri bifite inzego zikomeye zishingiye kuri Demokarasi, ibisirikare bikomeye ndetse n’ubukungu, bizatuma OTAN ikomera cyane.
