Ugutana mu mitwe kwabaye hagati ya Pakistani na Afuganistani kuri icyi Cyumweru kwahitanye abantu barindwi, abarenga 30 barakomereka.
Igisirikare cya Pakistani cyavuze ko iyo mirwano yabereye mu Mujyi wa Chaman, ahegereye Amajyepfo ashyira Uburengerazuba, aharebana n’Intara ya Kandahar ya Afuganistani. Cyavuze kandi ko iki gitero cyishe abasivile batandatu ba Pakistani n’abandi 17 bakomeretse.
Itangazo ry’igisirikare ryavuze ko Abasirikare b’Abatalibani bacunga Urubibi bamishije amasasu mu bice bibamo Abasivile muri Pakistani. Iri tangazo rivuga kandi ko abasirikare ba Pakistani birwanyeho nabo barasa muri Afuganistani ariko birinda kurasa mu turere tubamo Abasivile.
Afuganistani na Pakistani bifitaniye amakimbirane ku Rubibi rungana hafi ibirometero 2,600 kuva mu 1947.
