Abagaba Bukuru b’ingabo z’u Rwanda na Algeria bagiranye ibiganiro by’ubufatanye bw’ingabo z’ibihugu byombi

Umugaba mukuru w’Ingabo z’u Rwanda, General Jean Bosco Kazura ari mu ruzinduko rw’akazi rw’iminsi itatu muri Algeria.

Gen. Kazura, uruzinduko yatangiye kuri uyu wa mbere tariki 12 Nzeri 2022, yakiriwe na mugenzi we, Lt Gen. Saïd Chengriha, bagirana ibiganiro byo mu rwego rw’ubufatanye bw’ingabo hagati igisirikare cy’u Rwanda (RDF) na n’igisirikare cya Algeria (ANPA).

Gen. Jean Bosco Kazura, muri uru ruzinduko yaherekejwe n’umugaba Mukuru wungirije w’Ingabo zirwanira mu kirere, Col G Gasana n’Umuyobozi Mukuru ushinzwe imikoranire mpuzamahanga mu Ngabo z’u Rwanda, Brig Gen Patrick Karuretwa.