Yael Braun-Pivet yatorewe kuba Perezida w’Inteko Ishinga Amategeko y’u Bufaransa, aba umugore wa mbere mu mateka utorewe uyu mwanya.
Yael Braun-Pivet ni umunyamategeko wageze mu Nteko Ishinga Amategeko kuva mu 2017. Ijambo rya mbere yavuze agitorwa ni ugushyigikira uburenganzira bwo gukuramo inda.
Yagendeye ku cyemezo cy’Urukiko rw’Ikirenga muri Leta zunze Ubumwe za Amerika cyo kwambura abagore uburenganzira bwo gukuramo inda, avuga ko ari icyemezo cy’ubugome cyababaje benshi ariko kinatanga umukoro wo kuba maso kugira ngo bitazagira ahandi biba.
Braun-Pivet ni umunyamategeko wabaye imyaka myinshi muri Taiwan n’u Buyapani. Yagiye mu ishyaka rya Emmanuel Macron, nyuma y’umwaka atorerwa kuba umudepite.
Braun-Pivet azakorana na Minisitiri w’Intebe mushya Elisabeth Borne, uyu akaba ari umugore wa kabiri wagiye kuri uyu mwanya nyuma ya Edith Cresson wamaze imyaka 11 kuri uyu mwanya.
