Kuri uyu wa 25 Gicurasi nibwo Ikigo gishinzwe kugenzura ibiribwa n’imiti mu Rwanda (Rwanda-FDA) cyahagaritse ku isoko ryu Rwanda amwe mu mavuta yo kwisiga. FDA yasohoye itangazo rihamagarira abacuruza, abaranguza n’ abadandaza amavuta yo kwisiga agaragara ku rutonde rwashyizwe ahagaragara n’iki kigo kuyasubiza abo bayaranguriye cyangwa bakayakusanyiriza hamwe kugirango ashyingurwe hakurikijwe amategeko abigenga.
FDA yagize iti“ Gukura ku isoko nimero (Batch) z’amavuta yo kwisiga (Fair & White Miss White 500ml, Rapid Clear White Absolute 300ml, Gluta C-TM (Intense Whitening) 500ml na Max White S1 Lait Maxitone) 500ml).”
FDA kandi yasabye abinjiza mu gihugu aya mavuta n’abayacuruza kwakira aya mavuta yari yaramaze kugera hirya no hino ku masoko yo mu Rwanda, noneho bagatanga Raporo kuri iki kigo mu gihe kitarenze iminsi 10. Ikirakangurira abaturarwanda guhagarika kugura no gukoresha aya mavuta, bagasaba buri wese waba afite amakuru ku waba acuruza cyangwa aranguza aya mavuta kubimenyesha iki kigo.
