Mu gihe umujyi wa Kigali ukomeje gutera imbere ku muvuduko ushimishije, ibikorwa by’ubwubatsi bigezweho biragenda bihindura isura yawo ndetse n’imibereho y’abawutuye. Muri iyi gahunda yo kuzamura urwego rw’imiturire, hagiye kubakwa umushinga mushya witwa Sahara Residence, utegerejweho kuzana impinduka nziza mu gace ka Kimihurura, kamwe mu duce twifuzwa cyane guturwamo no gushorwamo imari.
Sahara Residence ni inyubako igezweho izaba igizwe n’amazu meza ya 1bedroom na 2 bedroom, yubatswe mu buryo bugezweho bujyanye n’igihe. Iyi mishinga yateguwe hagamijwe gutanga ubuzima bwiza, aho buri nzu izaba ifite imyanya yagutse, ibikoresho byujuje ubuziranenge ndetse n’imiterere itanga ihumure n’umutekano ku bayituyemo.
Kimwe mu byihariye kuri uyu mushinga ni uburyo bwo kwishyura bworoshye bugamije korohereza abifuza gutunga inzu zabo bwite. Igiciro cy’amazu gitangira kuri $126,000, aho umukiliya ashobora gutangira yishyura hagati ya 20% na 30%, hanyuma agakomeza kwishyura buhoro buhoro ku gipimo cya 1% buri kwezi. Ibi bituma benshi babasha kugera ku nzozi zo gutunga inzu mu buryo bworoshye kandi bwizewe.
Uretse kuba ari ahantu heza ho gutura, Sahara Residence itanga n’amahirwe akomeye ku bashaka gushora imari mu mutungo utimukanwa. Kimihurura izwiho gukundwa cyane n’abanyamahanga, abakozi b’imiryango mpuzamahanga ndetse n’abakoresha uburyo bwa Airbnb. Ibi bituma inyungu ku bashoramari (ROI) iteganyijwe kugera hagati ya 12% na 18%, bigaragaza ko ari ishoramari rifatika kandi rifite ejo hazaza heza.
Aho Sahara Residence izubakwa ni hamwe mu hantu h’ingenzi i Kigali, hafi y’ibigo by’ubucuruzi, resitora, ibitaro ndetse n’ahandi h’ingenzi mu buzima bwa buri munsi. Ibi bituma abayituyemo babona ibyo bakeneye byose bitabagoye, bikarushaho kongera agaciro k’uyu mushinga.
Uyu mushinga utegurwa na sosiyete ya Prime Gate Developers, izwiho ubunararibonye n’ubunyamwuga mu guteza imbere imishinga y’imiturire igezweho. Iyi sosiyete ishyira imbere ubuziranenge, umutekano n’imikorere inoze, ikanafasha abakiliya bayo kuva ku ntambwe ya mbere kugeza igihe baboneye inzu zabo burundu.
Prime Gate Developers izwi kandi ku mahame yo gukorera mu mucyo no kubaka icyizere n’abakiliya bayo. Binyuze ku itsinda ry’abahanga, batanga ubujyanama bufasha buri mukiliya gufata ibyemezo byiza bijyanye n’ishoramari rye cyangwa ubuzima bwe.
Mu gusoza, Sahara Residence si umushinga usanzwe w’ubwubatsi, ahubwo ni igisubizo ku bifuza ubuzima bugezweho, umutekano n’ishoramari rifite inyungu z’igihe kirekire. Ni amahirwe adasanzwe ku muntu wese wifuza gutura neza cyangwa gushora imari mu buryo bwizewe mu mujyi wa Kigali ukomeje gutera imbere.
Ntucikwe n’aya mahirwe yo kuba umwe mu bazungukira kuri Sahara Residence aho ubuzima bugezweho buhurira n’ishoramari rifatika
Umwanditsi: Mukimbiri Wilson
